الضرب يصنع الرجال

اضربيه خليه يتمرجل 😁😭 اضربه عشان يصير رجال 😳اسبه عشان يتعلم الرجوله ❗️❗️❗️❗️❗️❗️❗️

.

.

عفواً ✋✋✋✋ مين قال ان الضرب يصنع الرجال ⁉️

. .

مين قال ان السب يعلم الرجوله ⁉️

.

.

مين قال ان الرجال بعنفه وقسوته وسبه وهمجيته ‼️

.

.

مين حط هالافعال الغير انسانيه مقاييس للرجوله ⁉️‼️‼️‼️‼️

.

.

عمر الضرب ماكان يعلم الرجوله ❗️ الضرب يكسر الرجوله في طفلك ويحسسه بالأهانه ويحسسه بالظلم ويذل كرامته 💔

.

.

تبين طفلك يكبر ويصير  رجال عامليه بثقه واحترام ونقاش علميه ان الرجال بحكمته وصبره وثقله وهدوءه وشخصيته ✋

.

.

تبين رجال علميه اخلاق محمد صلى الله عليه وسلم ❤️ تبين رجال عامليه كرجل  واحترمي قرارته اللي بعينك سخيفه بس بعينه هو انجاز ✋ .

.

تبين رجال علميه يعتمد على نفسه ويقرر ويناقشك بقرارته 💌تبين رجال اعتمدي عليه بالامور السهله لحد مايكبر ❤️ .

.

تبين رجال علميه يحترم انوثتك ويحترم سترك ويحافظ عليه ( يفتح الباب لانك حرمه عيب تفتحينه ، يوقف مع العامل لان رجال ) ،

.

رجاءاً لا احد يقول انضربنا ما ضرنا الضرب صمغ يلصق طفلك بكل سلوك سلبي وبيتعلم منه العناد والاستفزاز  او الانطواء والخوف وكل الاثنين تضر ضناك 💔 ،

نصيحه 💌 تبين رجال لا تضربينه ولا تسبينه ولا تقهرينه بحجة انك امه 💔 الام هي اساس بناء الشخصيه تبينه رجال عامليه كرجل موثوق فيه ويعتمد عليه ❤️

.

.

اخيراً 👐 اللهم بلغنا فيهم رجال صالحين ونساء صالحات وارزقنا برهم وحنانهم وارزقهم صبرنا وعطفنا ❤️

أنا أحب ربي

لا للترهيب نعم للترغيب 💕

،

،

✨كيف اعلق اولادي بالله سبحانه وتعالى  ويحبونه ويطيعونه✨

اولاً  الدعاء ادعي الله يعينك على تربيتهم تربيه صالحه ✨

،

،

✨طفلك من هو صغير من عمر سنه  الى عمر البلوغ ما تستخدمين معه الا كلمات الترغيب وابعدي عن كل كلمات الترهيب 

،

، 

✔️_ لا تكب الاكل لأن الله يحب اللي يحافظ على النعمه

❌_ اذا رميت الاكل ربي يحطك بالنار 

✔️_ اكل باليمين حبيبي الله يجعلك من اصحاب اليمين 

❌_ لا تاكل باليسار ياكل معك الشيطان 

✔️_ صل حبيبي عشان ربي يدخلنا الجنه سوا ويعطينا من خير الدنيا والاخره 

❌_اذا ماصليت ربي بعذبك بجهنم ويضيق عليك قبرك 

،

،

✨خلي كلماتك تعلقهم بالله  ادعي لهم بكلمات تعلق قلبهم بالله،،  

الله يرضى عليك ويسعد قلبك ،،

،

،

✨تكلمي عن الجنه ونعيمها  بشوق ودعاء ادعي وخليهم يأمنون على دعائك 

✨ تكلمي عن نعم الله علينا عافيه وأمن وبيت وأم وأب وو. عددي نعم ربي عليكم خليهم  يستشعرونها 

علميمهم يحمدون الله وان الشكر يزيد النعم ( ولئن شكرتكم لأزيدنكم )  

،

،

 ✨ اذا غلط واعترف سامحيه قولي له سامحتك تدري ليه لأن ربي يحبك  لأنك صادق .

 ✨ اذا غلط وهو مصلي قول له بسامحك لأنك محافظ على صلاتك ،، ( أن الله يدافع عن اللذين امنو )  وربي سخرني اني اسامحك .

 ✨ ضاعت لعبته علميه يدعي الله وربي بيسر امره ويلقاها ،،، لقاها قولي له قول الحمدلله اللي رجعها لك ،، مالقاها قولي ربي اكيد بيعوضك بأحسن منها ،، 

 ✨ اذا غلط اطلبي منه يستغفر لأن الله يحب المستغفرين والاستغفار يمسح الخطاء ،، لا تقولين له استغفر والا ربي بيحطك بالنار ،، 

،

،

نصيحه 💕 تكلمي عن الرحمن الرحيم بأيجابيه بالترغيب ،، خليهم يحبونه ويتعلقون فيه من خلال شوقك لله وحبك وكلماتك ،، الترهيب لا تستخدمينه الا بعمر البلوغ واسبقي اي ترهيب بالترغيب ،، مع ثقتي  بالله انك ماراح تحتاجين للترهيب طالما تربو على حب الله ، ، وبأذن الله بتنعمين بأطفال معلقه قلوبهم بالله حباً وشوقاً ورجاء يرجون رحمته ويخافون عذابه .  

،

،

اخيراً 👐 اللهم انّا نسألك حبك وحب من يحبك وحب كل عملاً يقربنا اليك ، اللهم علق قلوبنا وقلوب  اطفالنا واحبابنا بك واجعلهم يسعون لرضاك ويخشونك بالسر والعلن g.s 💕 

،

http://instagram.com/p/no49_EpD6w/

❤️❤️❤️❤️ 

فكره رائعه

اسمعي وتفاعلي 😄👂 

،

،

،

نتكلم ونأمر ونادر نسمع لهم حتى وهم يتكلمون مانركز معهم استخفافاً بكلامهم او انشغالاً بأمور  ثانيه والاكيد ان اطفالنا اهم من هالامور كلهاااا ✨

،

،

اساليه عن فكره ورأي قولي له وش رايك لو طفل ضرب طفل ثاني وش التصرف السليم ❓ 

او وش رايك بالامر الفلاني ❓ ودي اسمع رايك بالشغله الفلانيه ❓ يهمني رايك واقتراحك للمشكله الفلانيه 

،

،

اسمعي له وتفاعلي وشجعيه ناظري عيوني واذا قال رايه ابدي اعجابك وانبهارك 💫 قولي والله ماشالله علييييك فكره رهييبه ،، الصراحه انت عبقري فكره ماخطرت ببالي ،، تصدق انت حكيم وفاهم صح ويعجبني تفكيرك بحل المشاكل ✨ حتي لو ماعجبك قولي عجبني بس لو نضيف كذا وكذا بتصير الفكره مضبوطه اكثر واكثر ،، عطيه رايك بدون تقليل شأن رايه 🌟 

،

،

كل ماسمعتي له اكثر كل ما كان طفل متحدث مفكر يشغل مخه في اتخاذ القرار ،، سوالفك معه تخليه سريع البديهه بأي موقف يمر عليه لأن مخه تعود علي التفكير وتشجع على اتخاذ القرار ،،

،

،

نصيحه 💕 وقت قليل انصات كثير و اعجاب يربي لك طفل بشخصيه قياديه مدبره مفكره متحدثه 💫

.

.

اخيراً 👐  اللهم ارزقنا وذرياتنا نور البصر والبصيره واتمم لهم نورهم في الدنيا والاخره واجعل لهن نوراً يمشون به بين الناس ✨

الجندي ماما

وانا اتمشى بالهاشتاقات التربوية تعجبت من بعض المواضيع اللي تتكلم عن التربيه❗️ ( انا ما اميز حسابي او اني اقول اني افضل من غيري ، لا والله حتى انا اغلط ✋واتعلم من غيري خبرات الغير وافكارهم   ) 

.

.

كانت المواضيع تتكلم عن فرض قوانين البيت على الطفل 😳💔 الاكل والشرب والنوم و و و 

.

.

انا ضد النظام العسكري والقانون الدكتاتوري وتحديد الوقت لكل شي  😰

من ٦ الى ٦:١٥ العشا بعدها كيفك شبعت او ماشبعت بتقوم تتحمم  ‼️💔😭

.

.

من ٦:١٥ الى ٦:٣٠ تحمم وتستعد للنوم 💔😰

.

.

من٦:٣٠ الى ٦:٤٥ اقعد معك بعدها اطلع وانت تنام لحالك 💔💔💔‼️

.

.

ليه احدد وقت للأشيا المفيده 😰

،

،

 قعدتك مع طفلك لحد ماينام فيه سعاده لك وله وشعور بالراحه والأمان 😍

.

.

ياخذ وقته بالأكل لحد مايشبع ويكتفي😍

 لأن كل انسان له طريقته في الاكل ناس تخلص بخمس دقايق وناس تخلص بنص ساعه وهي نفس كمية الاكل 😰 

،

،

ما يشتهي ياكل الحين ياكل بعد شوي أهم شي ياكل وهو مشتهي ياكل  ❤️اقوله أجل تحمم وبعد التحمم تتعشى 🛀 

.

.

لما انا ابي طفلي ينام الساعه ٧  ابدا معه من قبل الساعه ٦ يتعشى على راحته ويتحمم ونسولف ونقرا قصص وقران لين ينام  ❤️ 

،

،

القوانين وتحديد الوقت تكون بالاشياء الغير نافعه وممكن تضره مثل السوني والاي باد والتلفزيون  ✋💔 

،

،

واقولهم وقت الاي باد او التلفزيون  ربع ساعه وبعد ربع ساعه ارجع اخذه  قال ماما بخلص هالقيم باقي كوره وحده بس ،  اخليه يخلصه مو نهاية العالم اذا زادت دقيقتين ،، او الكرتون بالتلفزيون باقي خمس دقايق اقوله اوك كمل الحلقه بس قصة اليوم  مانقراها لان الكرتون اخذ من وقت القصه و انت كيفك اذا تبي قصه قوم سريرك واذا تبي كرتون اقعد خمس دقايق كمله وبعدها نقرا قرآن وننام ❤️ 

،

،

ولأني بديت معه العشاء والتحمم واستعدات النوم بدري كل شي اخذ وقته واستمتع فيه على راحته وخلص من كل شي الساعه ٧ وقت نومه المعتاد  ونام بحضني ❤️ 

،

،

نصيحه 💌 انا ماقول خليه يسهر او لا تحددين وقت لكل شي ، حددي بس بحب ، لا تفرضين عليه قوانين تحسسه انه مو من حقه يختار،  غيري هالقوانين العسكريه  ، مايضر  دينه او اخلاقه لو غيرتيها ، استمتعي بتفاصيل يومك مع طفلك بعيدعن الدكتاتوريه ، احضني وبوسي واقعدي معه لين ينام قولي له قبل ينام كلمة احبك تكون ختام يومه بعد القران ودعاء النوم ❤️  

.

.

اخيراً 👐 اللهم اجعل قلوبنا مليئه بالرحمه  عليهم والمحبه لهم  واجعلنا لهم اماناً وسعاده ❤️

،

،

عذراً للأطاله ✋تذكرو حديث المصطفى صلى الله عليه وسلم (ماكان  الرفق  في شيءٍ إلا زانه ولا نزع من شيءٍ إلا  شانه )  

كلمات بذيئة

طفلي يقول الفاظ بذيئه ❗️

،

،

اذا  طفلك يسب بكلمات ( حيوان كلب و و و ) ابحثي عن المصدر اللي تعلمه منهم ،

،

،

فيه امهات هم يسبون عيالهم  ويبون عيالهم مايسبون ولا يتعلمون هالكلمات ولا يقولونها بأي حال من الاحوال  ‼️ 

واذا قالها ولدها مصيبه عظيمه ويبدا الضرب والاهانه  وتناست انها هي المعلمه الاولى لهالكلمات 😨

،

،

او تقول وش اسوي تعبت فيهم قلت لهم عيب لا تقولون هالكلام وعاقبت وحرمت وضربت ولا فيه فايده ‼️ طبيعي مافيه فايده لانك قدوتهم ومازلتي تقولين هالكلمات المهينه 💔

،

،

أما اذا تعلمها من برا وسمعتيها منه لأول مره على طول خلي ردة فعلك الهاديه المتفاااااجئه 😱😱😱 مثلاً قال لأخوه حيوان اشهقي وتفاجئي قولي يااااارب سامحنا يارب انك خلقت وليدي انسان وجميل  مو حيوان واكيد مو فاهم الكلمه وبيتوب ياربي  😥 وتكلمي معه واشرحي له الكلمه واعرفي مصدرها واطلبي منه يستغفر واحضنيه وقولي له انت حبيبي وفرحتي ومابيك تقول مثل هالكلام ❤️

،

،

احكي له قصص عن كيف الانسان اللي كلامه جميل يحبه ربي والناس وان قدوتنا صلى الله عليه وسلم عمره ما سب او اهان احد ، وقصص عن ان الانسان يكون منبوذ ومو محبوب ومحد يحب يقعد معه ✨

،

،

المشكله بهالجيل البنات  يحسون هالكلمات تنقال من الميانه 😨 ياحيواااااانه وحشتيني 😨 ياكلبه خفت عليك 😰 والثانيه ترد حتى انتي وحشتني يادبه 😱😭

،

،

الحمدلله تربيت ما تنقال لي ولا اسمح احد يقولها لي ولا اقولها لاحد مهما صار او مهما كانت الميانه بينا 🙋

،

،

نصيحه 💌 بيني لطفلك ان لسانك يدل على تربيتك واخلاقك والنظافه مو بس بالجسم واللبس ، النظافه تكون باللسان والعقل والفكر ، والسب حيلة الضعيف اللي ماعنده اسلوب بالكلام ✋

.

.

اخيراً 👐 اللهم اجعل محمد صلى الله عليه وسلم قدوتنا ورضاك غايتنا ❤️  

الشجار بين الاطفال

الشجار بين اولادك 👬👭

.

.

يزعجك ان اولادك يتخانقون  ! يضايقك ويوترك ! 

،

،

الطقاق بين الاخوه شيء لابد منه ومافيه مفر مهما سعيتي لمنعه ،، مافيه اطفال ملائكه ، والبنات بطبيعتهم اقل من الاولاد ، 

،

لكن فيه قواعد تخفف هالطقاق وقوانين لازم يتبعونها وتقنعينهم بتطبيقه : 

١- احترام الكبير والعطف على الصغير 👬

الكبير لازم يتعلم انه يعطف على الصغير ومايستفزه ، والصغير يحترم الكبير ومايغلط عليه مهما صار .

،

،

٢_ فيه العاب مشتركه وفيه ممتلكات خاصه 

المشترك مو من حق اي واحد منهم يمنع الثاني عنه ومو من حقه يمتلكه لانه ملك للكل واللعب يا يكون جماعي او بالوقت المحدد لكل واحد فيهم ، 

والالعاب الخاصه ممنوع احد ياخذ لعبة اخوه بدون استئذان ومن حق صاحب اللعبه الرفض واذا سمح له يلعب فيها يشكر اخوه .

.

.

وش اسوي اذا تخانقو ❓

اولاً  حاولي تخلينهم يحلونها بينهم وكأنك ماتسمعين  اذا طلبو رايك قوليه لهم ✨

ثانياً اذا زادت المشكله وجاء وقت تدخلك بينهم لا تنحازين لأي واحد منهم ، اسمعي منهم كلهم وتكلمي مع الغلطان انتي وهو لحالكم وعلميه خطأه وقولي له اتمنى تتصالح مع اخوك وتتأسف منه (( واذا الغلط كايد يتعاقب بالحرمان )) ✨

ثالثاً : اذا طقاقهم وصل للضرب تدخلك لازم يكون سريع وتطلبين من كل واحد فيهم يدخل غرفته بنبره حازمه ،، خليهم وقت لحد مايهدون وتهدين انتي وناديهم وتكلمي معاهم ان الضرب مرفوووووض مهما كانت المشكله اللي بينهم ، مو من حقك تضرب اخوك مهما كان غلطه ، تجي تعلمني وانا اخذ حقك بالاسف والعقاب والتوجيه ، الضرب حيلة الضعيف ، ويتأسفون من بعض وبعدها تكلمي عن سبب الخناق وحلي المشكله بالنقاش الهادي العقلاني ✨

،

،

بعض الامهات عافانا الله تضرب الكل اذا شافتهم يتخانقون ‼️ او تضرب الكبير لأنه كبير ‼️ انتي قاعده تزرعين فيهم حب العنف وحل المشاكل بالضرب والصراخ ❌ بعد هذا تقولين عيالي يطقون بعض وش اسوي معهم ⁉️ 

سوي مع نفسك اولاً واضبطيها بعدها بتقدرين تضبطين  اولادك 

،

،

نصيحه ❤️ حملتي فيهم وتغذو من جسمك ، ولدتيهم وتغذو من صدرك ، كبرو وصارو يعتمدون على انفسهم بالتغذيه ، لكن بتظلين انتي المغذي الاساسي لسلوكياتهم ، صراخ ينتج عنه صراخ ، نقاش ينتج عنه هدوء وشخصيه عقلانيه ومستقبل حكيم وهادي بأذن الله 💌 

،

،

اخيرا👐 الله يسعد كل أم تغير من نفسها عشان اولادها وتربيتهم الله يرزقها برهم .. 

طفل مؤدب وخلوق

طفل مؤدب خلوق يستأذن من الكل قبل الدخول وقبل ياخذ اي شي 💕 تأكدي انه تربى في اسره تستأذنه قبل يدخلون غرفته وقبل يستخدمون اغراضه الخاصه 💗

،

،

طفل مؤدب وخلوق ويقول رايه بكل ثقه ورايه اقرب للصواب 💕 تأكدي انه تربى في اسره تعامله بثقه وتستشيره بكل قرارتهم 🎀

،

،

طفل مبدع ويمارس هوايته ونشاطه بأنجاز واستمراريه 💕 تأكدي انه تربى في اسره مُشجعه تدفعه للاستمرار وتدعم هوايته 💗

،

،

طفل مؤدب وخلوق يحترم كلمة امه بدون جدال وعناد 💕 تأكدي انه تربى في اسره من اهم اساسياتها الاقناع والنقاش 🎀

،

،

طفل مبدع واثق من نفسه محترم خلوق و و و و وكل ميزه فيه 💕 تأكدي انه تربى في اسره تحبه وتحتويه ومشبع عاطفياً وتعامله كأنسان من حقه ياخذ كامل حقوقه بحب 💗

،

،

نصيحه 💕 تبين طفل سوي واخلاق ومحترم ومؤدب وخلوق عطيه كااااامل حقوقه من حب وحنان وعامليه كأنسان لا يهان ولا ينضرب،،  بينتج عنه طفل  بشخصيه  قياديه مطيع وبار 💗

،

،

اخيراً 👐 اللهم بلغنا فيهم واجعلهم قرة عين واصلحهم 🎀  

في بيتنا قانون

في بيتنا قانون 📚📖📜

.

.

وضع ثوابت وقوانين  بالبيت تساعدك بالتربيه ✨

. 

.

-🌟 المحافظه على الصلاة 

-✨ تقبيل رأس ويد الأم والأب اول مايصحون من نومهم ،، ( زيدي عليهم انتي حضن وكلمة وحشتني ) 

-💫 الاجتماع وقت الوجبه خاصه وجبة الغداء والسؤال عن المدرسه والسوالف عن يومهم . 

-✨ مافيه اي ترفيه الا بعد الغداء وحل الواجبات .

-💫 تحديد مده زمنيه للترفيه ، وتكون تشمل ترفيه حركي او الكتروني ، 

-✨ احترام خصوصية وممتلكات افراد الاسره ،، وماتاخذ شي الا بأستئذان .

-✨احترام العامله ( الشغاله ، الخادمه ، الناني ) واحترام وقت راحتها ، وعيب تطلب منها وانت قاعد و تقدر تخدم نفسك  ،،( طالما الامر مايضرهم وبعيد عن الخطوره ) .

-💫احترام مواعيد النوم والعشاء ، 

-🌟 اوقات الزيارات محدده،، وضيفنا يحترم ظروفنا ويتطبق عليه انظمتنا ،،. 

-✨ وقت النوم نوم وقت الاكل اكل وقت اللعب لعب ،، ومافيه اي تغير ولا استثناء خاصةً  وقت المدارس ،، 

،

،

،

🌟

وجود القوانين المنزليه ومعرفة اطفالنا بالممنوع والمسموح ،، تساعدنا بشكل كبير في التربيه وتخفف مشادات بينك وبين طفلك ،، ويعرف ان هالقوانين ثاااااابته وتغيرها لازم يكون لسبب استثنائي مقنع ✋ ،، واشرحي لهم كل قانون ونظام و فائدته لصحتهم وراحتهم 💕  

، 

،

نصيحه ✨ بحضنك وحبك ومرحك بيحبون هالقوانين ويستمتعون فيها ،، عطيهم الحب والسعاده والتعويض عن كل ممنوع ،، 💕 خلي اخر يومهم حضنه وبوسه ودعاء النوم واية الكرسي وكلمة احبك 💫 

،

،

اخيراً 👐 الله يجعلهم هداة مهتدين قرة عين وارزقنا برهم ، 

افصلي بين مشاكلك وامومتك

مشاكل زوجيه ، ضغوط عمل ، مشاكل صحيه

، وكل الضغوط اللي تواجهنا بحياتنا ،،

،

،

افصلي بين مشاكلك وبين امومتك ✨

المشاكل تمر وتنحل وصرختك او ضربك لولدك وانتي معصبه بسبب مشكله مايروح اثرها النفسي على طفلك بسهوله ،

،

‼️ اتعجب من أم تحط حرة الزوج او اهل الزوج في اولادها وتنهال عليهم بالسب والعصبيه وبعض بالضرب ‼️

.

.

احرصي على انك تبعدينهم عن كل الضغوطات 

لأنهم اطفال و مايعرفون سلبيات الحياة ، يعرفون فقط ايجابياتها من خلالك وهالايجابيات تأثر على تربيتهم وشخصياتهم 

،

،

احرصي يشوفون بسمتك ويسمعون دعواتك مهما كانت حالتك 

،

واذا شافوك متضايقه قولي انا تعبانه شوي بس لما شفتكم صرت احسن الحمدلله 💕

،

احرصي انهم مايشوفون نقاشاتكم الزوجيه ولا يسمعونها 

لأن تأثيرها جداً سلبي ويأثر على مستواهم التعليمي والنفسي وتأثيرها صعب زواله ويبقى بذاكرتهم 

، 

،

بتقولين لي لازم يفهمون ان الحياه مو كامله ، صح بس الحين هم بعمر يحتاجون استقرار اسري ونفسي وعاطفي ،

عشان يستقبلون الحياة بقوة شخصيه واستعداد لمواجهة صعوباتها 

،،

،

نصيحه 💕 عشان تنشئين جيل سوي بأذن الله احرصي على نفسياتهم ، نفسية طفلك تنتج شخصيته

،

،

 

اخيراً 👐 ربي بارك لنا فيهم واعنّا على تربيتهم تربيه صالحه ترضيك عنّا ✨

الفرق بين الهدوء والتربية

كيف اخلي عيالي هادين ❓

سؤال كثير يتكرر ❗️

،

،

فيه فرق بين هادين ومؤدبين ✋

،

،

الفرق هو : 

الهادي صفه ماتجي بالتربيه ابداً تجي من الله سبحانه ✨

الهدوء يتلاشى او يستمر على حسب معاملتك لطفلك منك يتعلم الصراخ ومنك يتعلم العناد ومنك يتعلم الصوت الواطي ومنك يتعلم كل السلوكيات الزينه والشينه ✨

،

،

المؤدب هذي اخلاق تجي بالتربيه ،، مؤدب مايغلط على احد ، مؤدب يستأذن من الغير ،، مؤدب يحترم الخصوصيه ، مؤدب مايضرب احد مايعاند مايصارخ و و و كل صفات الادب ✨

،

،

الهدوء صفه مرغوبه،، بس من حق الطفل مايصير هادي ومن حقه يلعب ويضحك ويصيح ويشاغب ومن حقه يمارس طفولته بالطوووول والعرض 🙋 شرط ان الطفوله هذي تكون بحدود الأدب ✨

،

،

كيف اخليه مؤدب هو السؤال الأهم من كيف اخليه هادي ❓❗️

ولدك مثل  العجين بيدك شكليه زي ماتبغين من خلال افعالك وعطاك وجفاك وحبك وقسوتك وحنيتك وضربك ، 

،

،

شفتي العجين او الصلصال اول ماتطلعينه من العلبه لين وسهل التشكيل وكل ما مر عليه الوقت يقسى وينشف اذا ماغطيتيه ومسكتيه بين يدينك ، طفلك سهل وهو صغير وكل ماكبر تتكون شخصيته وسلوكياته ويصير صعب تعديلها وتغيرها ، حسب معاملتك بتشوفين سلوكياته ✨

،

،

نصيحه 💕الأدب مو تطعيم ولا جرعة دواء ولا ينباع بالاسواق ،، الأدب هو عطاك وحبك و وقتك وصبرك وضبطك وحرصك وتفرغك لطفك ، ادعي كثير واستغفري احنا بدون الله ولا شي  💕

،

،

اخيراً 👐 اسأل الله ان يربيهم لنا ويعينّا عليهم ويرزقنا برهم ويقر عينّا بصلاحهم يارب ياكريم 💕

ماما ترا عبودي يقوول

ماما ترا عبودي يقووووووول ،، أعلم ماما وش قلت ياعبودي 

،

،

هنا يجي دورك كأم تعلمين ولدك اللقافه ونقل الحكي او لااا 

،

،

اذا سمعتي لولدك نقل الحكي وفتحتي اذنك له وسمعتي اسراره هو وأخوه وقعد يهدد اخوانه انه بيعلمك ويفضح امرهم لك ،، كوني متأكده انك بترتبين ولد حتى اسرار بيتك ماراح يحفظها ولا حتى اسرار بيته ودوامه ومجتمعه بالمستقل  

،

،

لا تفرحين بأنه الجاسوس الصغير بين اخوانه ويجيب لك كل الاخبار  

،

،

اذا جاء بيقووولك شي قولي له انت مسلم والسر أمانه واخوانك يثقون فيك وانت قد الثقه ورجال،،  وهذا سر بينك وبين اخوك ومايجوز تعلمني الا اذا اخوك سمح لك  

،

،

واذا السالفه فيها تهديد ويهدد اخوه انه يعلمك اقطعي حالة الابتزاز وقولي له انت مو من حقك تعلمني وانت لازم تكون قد الامانه وحرام تهدد اخوك اللي يحبك ،، واصلاً اذا هو علمني وش سوا انا بسامحه لأنه صاادق والصدق من اخلاق الرسول صلى الله عليه وسلم 

،

،

واذا جاء وعلمك عن خطأه اقعدي معه واشرحي له ليه خطأ واطلبي منه يفكر واحضنيه وبوسيه 

،

،

نصيحه،،  لا تستخفين باصغر الامور فكل أمر بدا صغير وكبر 

،

،

 

اخيراً  اللهم اصلح لي ذريتي فلا حول ولا قوة لي الا بك 

عطوه فكونا من شره

كلمات تعتبر الشريان المغذي لسلوك العناد 

خاصةً ( عطوه فكونا من شره ) 

.

.

الشر هذا انتي قاعده تكبرينه بأفعالك 

الشر هذا قاعد يقوى برضوخك 

الشر هذا شريتيه والثمن  راحة راسك 

،

،

واذا صغير ليه نعطيه كل اللي يبي !!  

واذا مريض  !! واذا بكى !!  

.

. 

كل سلوك  سيء بطفلك انتي كبرتيه بطريقتين 

١- استخدام نفس الاسلوب المرفوض بالتعامل معه ،

٢-او تلبية طلباته عشان تريحين راسك 

.

.

التربيه يبي لها طولة بااااال خاصة في تعديل السلوك 

التربيه مو عصاة سحريه ويطلع ولدك مؤدب

التربيه صبر وعطاء وحب وحزم وضبط وحنان

.

.

نصيحه ،، راجعي سلوكياتك مع طفلك قبل تبدين بتعديل سلوك طفلك 

لا لا لا

لا لا لا لا لا لا 

،

،

هالكلمه سلبياتها اكثر من ايجابياتها  

وتبني بينك وبين طفلك حواجز واسوار 

وتكون سبب في ولادة ونمو كل سلوك سيء 

،

،

مو معناته خلي ولدك على كيفه لا طبعاً 

بس خففي منها قد ماتقدرين 

الشي اللي مايضر دينه واخلاقه وصحته خليه يسويه 

لا تمنعينه 

،

،

يبي يلعب وقت النوم  لا تقولين له لا 

 احضنيه وعطيه بديل اللعب قولي وش رايك اقولك قصه 

، 

، 

انتبهي من كلمة لا ووفري البديل السريع اللي ينسيه طلبه المرفوض 

،

،

واذا انجبرتي تقولينها اسبقي السبب قبل الرفض

مثل : يبي لعبه  

 انزلي لطوله وطالعيه بعيونه ويدك تحضنه وقولي 

حبيبي انت وقلبي وعيني تدري ماما تحبك قد الدنيا 

وتوها ماما حبيبتك شرت لك لعبه جميله عشان كذا مانقدر نشتري هذي الحين وش رايك اصورها بجوالي عشان نشتريها بعدين   

،

نصيحه 💕 شخصياتهم مثل العجين بيدك بطريقتك وبتعاملك واسلوبك  تشكلينها على كيفك ،

,

,

، 

اخيراً لا تنسين الدعاء والاستغفار{ ربي اجعلني مقيم الصلاة ومن ذريتي }