مشاكل زوجيه ، ضغوط عمل ، مشاكل صحيه
، وكل الضغوط اللي تواجهنا بحياتنا ،،
،
،
افصلي بين مشاكلك وبين امومتك ✨
المشاكل تمر وتنحل وصرختك او ضربك لولدك وانتي معصبه بسبب مشكله مايروح اثرها النفسي على طفلك بسهوله ،
،
‼️ اتعجب من أم تحط حرة الزوج او اهل الزوج في اولادها وتنهال عليهم بالسب والعصبيه وبعض بالضرب ‼️
.
.
احرصي على انك تبعدينهم عن كل الضغوطات
لأنهم اطفال و مايعرفون سلبيات الحياة ، يعرفون فقط ايجابياتها من خلالك وهالايجابيات تأثر على تربيتهم وشخصياتهم
،
،
احرصي يشوفون بسمتك ويسمعون دعواتك مهما كانت حالتك
،
واذا شافوك متضايقه قولي انا تعبانه شوي بس لما شفتكم صرت احسن الحمدلله 💕
،
احرصي انهم مايشوفون نقاشاتكم الزوجيه ولا يسمعونها
لأن تأثيرها جداً سلبي ويأثر على مستواهم التعليمي والنفسي وتأثيرها صعب زواله ويبقى بذاكرتهم
،
،
بتقولين لي لازم يفهمون ان الحياه مو كامله ، صح بس الحين هم بعمر يحتاجون استقرار اسري ونفسي وعاطفي ،
عشان يستقبلون الحياة بقوة شخصيه واستعداد لمواجهة صعوباتها
،،
،
نصيحه 💕 عشان تنشئين جيل سوي بأذن الله احرصي على نفسياتهم ، نفسية طفلك تنتج شخصيته
،
،
اخيراً 👐 ربي بارك لنا فيهم واعنّا على تربيتهم تربيه صالحه ترضيك عنّا ✨
ليست هناك تعليقات:
إرسال تعليق